Windows XP үйлдлийн систем хэрэглээний тархац болон хугацаагаараа Microsoft-ийн бүтээгдэхүүн дотор үнэмлэхүй аварга хэвээрээ байна. Хатуу дискний гол үйлдвэрлэгчид ирэх оноос эхлэн Western Digital компаний "advanced format" хэмээх шинэ форматыг бүтээгдэхүүндээ нэвтрүүлэхээр шийдсэнтэй холбоотойгоор Windows XP үйлдлийн систем хэрэглэгчдийн тоо эрс буурч болзошгүй. Шинэ форматын дагуу соронзонт дискний физик секторын хэмжээ 512 байтаас 4 килобайт болж өсөх юм.

 

 

Үүний үрээр хатуу дискний ашигтай багтаамж өсөх боловч Windows XP үйлдлийн системтэй компьютерийн хувьд бүтээмж буурна. Учир нь уг үйлдлийн системийг боловсруулж байх тэр үед том хэмжээтэй сектор дэмжих асуудал тусгагдаагүй нь бүтээмж унах шалтгаан болж өгчээ. Мэргэжилтнүүдийн тооцоогоор шинэ үеийн хатуу дискэнд хуучин ХР үйлдлийн систем ашиглах нөхцөлд бүтээмж ойролцоогоор 10-11% буурч, харин Windows 7 илүү найдвартай, хурдан ажиллах болно. 

 

Windows XP үйлдлийн системээс хойш гарсан Windows 7, Vista болон Apple-ийн OS X Tiger, Leopard, Snow Leopard, 2009 оны 9 сараас хойш гарсан Linux цөмийн верс бүгд том хэмжээтэй сектор ойлгох чадвартай.
2011 оны эхэн үеэс эхлэн "advanced format" хэрэглээнд нэвтэрснээр үйлдвэрлэгчид илүү их багтаамжтай, илүү найдвартай, цахилгаан бага хэрэглэдэг хатуу диск үйлдвэрлэх болно. Одоогийн байдлаар WD Caviar Green болон WD Scorpio Blue бүлийн шинэчлэгдсэн загварууд уг форматыг дэмжиж байна.

Сэтгэгдэл

Хайх

3.20 Copyright (C) 2007 Alain Georgette / Copyright (C) 2006 Frantisek Hliva. All rights reserved."