Энэ жилээс эхлэн персонал компьютер бүрдүүлэх өртөг зардал сүүлийн зургаан жилийн хугацаанд анх удаа өсөж эхлэнэ хэмээн аналитик судалгааны шинжээчид таамаглаж байна. Үнэ өсөх болсон шалтгааныг компьютерийн зарим голлох бүрдлийн нийлүүлэлт багассантай холбоотой хэмээн үзжээ. 2000 оноос эхлэн компьютерийн хагас дамжуулагч бүрдэл хэсгийн үнэ жилд дундажаар 7.8% унаж ирсэн бол Gartner-ийн тооцоогоор эргээд энэ жил дундажаар 2.8% өсөх болно. Энэ нь DRAM санах ойн чипний үнэ 23% өссөнөөөс шалтгаалж байгаа юм. Учир нь DRAM санах ойн чипний үнэ бэлэн компьютер бүтээгдэхүүний үнийн ойролцоогоор 10%-ийг нь бүрдүүлдэг.

 

Нийлүүлэлт багассанаас нимгэн дэлгэцэт мониторын үнэ 20%-иар өсөх болно. Хатуу диск болон оптик хөтлүүрийн үнэ ч мөн үүнчлэн өсөх төлөвтэй байна.

Энэ бүхэн нь эдийн засгийн хямралын улмаас олонх үйлдвэрлэгчид үйлдвэрлэлийн зардал, хөрөнгө оруулалтаа бууруулсантай холбоотой юм. Үйлдвэрлэгч компаниуд нарийн технологитой бүтээгдэхүүн гаргах хэмжээгээ нэмэгдүүллээ ч гэсэн шинэ үйлдвэрүүд хүчин чадлаараа ажиллаж эхэлтэл дор хаяж жилийн хугацаа шаардагдана. Ийм бэрхшээл урьд нь DRAM санах ойн чипний хоёрдагч үеэс DDR3 гэгдэх гуравдагч үед шилжих үед нэгэн адил тохиолдож байжээ. DRAMe-Xchange-ийн тооцоогоор өнгөрөгч оны 12 сарын дунд үеэс хойш DDR3 санах ойн (1300-МГц, 1-Гб микросхем) спотын үнэ 23% өсөж 3.01 доллар болжээ.

Байдал ингэж эргэсэн нь персонал компьютер үйлдвэрлэгчдийг бодлогошруулж байна. Өнгөрсөн жил технологийн секторт сэргэлтийг хурдасгахын тулд үйлдвэрлэгчид харьцангуй хямд төсөр үнэтэй ноутбүүк компьютер борлуулахад голлон анхаарч байсан бол энэ жилээс тоноглол фүнкц сайтай мэйнстрим компьютерт үйлдвэрлэлээ зохицуулах хэрэгтэй болж байна.

 

- Файнэншл Таймс -

Сэтгэгдэл

Хайх

3.20 Copyright (C) 2007 Alain Georgette / Copyright (C) 2006 Frantisek Hliva. All rights reserved."