Удтал хүлээлгэсэн Apple iPhone 3G S-ийн jailbreak-ийг амжилттай хийж дууслаа хэмээн iPhone Dev Team мэдэгдлээ. Хаклах хэрэглүүрийн шинэ хувилбарыг шууд нэтэд байрлуулж болох ч Apple-д боломж олгохгүйн тулд түр хүлээж байгаа аж.

"Бид хэрэглүүрийг шууд одоо гаргачих юм бол Apple системийн цоорхойг дор нь засчихна. Гэтэл цоорхой бөглөгдснөөс хойш iPhone худалдан авсан хэрэглэгч уг jailbreak ашиглан эвдэх боломжгүй болно" хэмээн Dev Team тайлбарласан байна.  

 

Өөр өөр үйлдвэрлэгчдийн ялгаатай янз бүр гар утсанд тохирдог универсаль цэнэглэгчийн стандарт бий болгохоор гар утас үйлдвэрлэгч дэлхийн гол том үйлдвэрлэгчид хэлэлцэн тохирлоо. Эдүгээ хүртэл гар утас үйлдвэрлэгчид шинэ утас болгондоо зөвхөн тодорхой загварт таардаг цэнэглэгч дагалдуулдаг байсан бол ирэх жил iPhone-оос авахуулаад BlackBerry, Nokia, Sony Ericsson-ийн үйлдвэрлэдэг загварууд хүртэлх ялгаатай брэндийн утсыг ганц төрлийн цэнэглэгчээр цэнэглэдэг болох юм. 

 

Европын Комиссоос санаачилсан уг төсөлд нэгдсэн Apple, Nokia, Samsung, LG, Research In Motion, Sony Ericsson, Motorola, NEC, Qualcomm, Texas Instruments гэсэн арван компани шинэ оноос Европод борлуулах бүтээгдэхүүндээ нийтлэг нэг төрлийн цэнэглэгч ашиглахаар болж байна. Дээрх арван компани европын гар утасны зах зээлийн 90 хувийг атгаж байгаа юм. Эдгээр үйлдвэрлэгчдийн Европод зарагдах гар утас BlackBerry зэрэг загварт угаасаа стандарт болсон микро USB коннектор ашиглан хост компьютер юм уу цэнэглэгчээс 5В, 500мА-ийн тэжээл авдаг болно.  

 

Ирэх жилээс хог болох учиртай цэнэглэгчүүд

Apple iPhone смартфоны өргөн тархац, масс борлуулалттай Android платформыг харьцуулах болоогүй мэт боловч энэ нь цаг хугацааны асуудал төдий хэмээн Informa Telecoms & Media компаний шинжээчид дүгнэлт хийгээд байна. Тус компаний хамгийн сүүлийн тайлан мэдээний дүнгээс үзэхэд Android платформтой смартфоны борлуулалт 2012 он гэхэд iPhone-ий борлуулалтыг гүйцэж түрүүлэхээр байна. Google өнгөрсөн оны 8-р сард Android үйлдлийн системд ажилладаг программ боловсруулахад зориулагдсан SDK-ийн анхны бета верс гаргаснаас хойш ердөө сарын дараа анхны Android смартфон болох G1 (HTC Dream), дахин нэг сарын дараа хоёрдахь загвар - HTC Magic зах зээлд гарчээ. G1 утасны албан ёсний нийлүүлэгч болох английн T-mobile UK компанийн нийт гэрээт борлуулалтын 20%-ийг хэдийнээ анхны Android смартфон загвар эзлэх болжээ.