Microsoft корпораци Office 2007-гийн бета туршилтийн хөтөлбөр дуусгавар болсон тухай мэдэгдлээ. Шинэ офисийн багцийн код үйлдвэрлэлд нэгэнт шилжиж, 11 сарын 30-наас эхлэн RTM верс үйлдвэрлэгчдэд, харин ирэх оны эхнээс эхлэн жижиглэн худалдаагаар дамжин хэрэглэгчдийн гар дээр очиж эхлэнэ. Шинэ 2007 Office System RTM-д урьд илэрсэн олон тооны алдаа засагдаж, бүтээмж сайжирснаас гадна зарим программуудад шинэчлэл хийгджээ.
Энэхүү чухал үйл явдалд зориулан Microsoft Office Online төрхөө өөрчилсөн байна. Туршилтын хувилбар ашиглаж байгаа хэрэглэгчдийн хувьд хугацаа дуусмагц шинэ версийг худалдан авах боломжтой.

- www.microsoft.com -

Microsoft ирэх долоо хоногийн Лхагва гаригийн 18 цагаас (номхон далайн бүсийн цагийн хуваариар) эхлэн өөрийн Office 2007 Beta 2 программыг туршигчдаас таталт тутамд  1.50 ам.долларын хураамж авч байхаар болжээ. 

Microsoft-ийн хэвлэлийн төлөөлөгчийн хэлснээр Office 2007 Beta 2 нь өнгөрсөн 5 сараас хойш  3 сая удаа буюу тооцоолж байснаас 5 дахин олон удаа татагдсан. Тиймээс энэхүү хүраамжийг бий болгосноор сервертэй холбоотой гарч буй зардлыг бууруулахад нэмэр болох юм гэжээ.

Office 2007 Beta программ хэрхэн болсныг та тэдний вэб суурилсан test drive Beta 2-аар туршин үзэж болох бөгөөд харин өөрийн компьютер дээр үзэхэд заавал  татан авч суулгах хэрэгтэй аж.

Тиймээс Office 2007 Beta 2 программыг туршиж үзэхийг сонирхож байгаа хэрэглэгчид төлбөртэй болохоос нь өмнө яаравчлаарай. Татахын өмнө бүртгэл заавал шаардагдаж байгааг анхаарна уу

-CNet News- 

Microsoft компаний мэдэгдсэнээр тэдний оффис хэрэглээний программ болох Office 2007 өнгөрсөн 3 сарын дотор төлөвлөсөн хугацаанаасаа 2 дахиа хойшлогдлоо. Өмнөх төлөвлөгөөгөөр бизнес ангиллын хэрэглэгчдэд зориулсан хувилбар 10 сард, энгийн хэрэглэгчдэд зориулсан хувилбар 2007 оны 1 сард хэрэглэгчдийн гар дээр очих ёстой байсан боловч хувилбар тус бүр энэ оны сүүл болон ирэх оны эхэн болж тодорхойгүй хугацаагаар хойшлогдсон аж. Энэ нь  тэдний шинэ үйлдлийн систем болох Windows Vista албан ёсоор гарах хугацаатай давхцаж байгаа бөгөөд таамаглаж байгаагаар зориуд хойшлуулсан компанийн бодлого бололтой.

TechReport-