Норвегийн Оpera компаний шинээр гарах Оpera 10 браузерт нэмэгдсэн олон өвөрмөц технологиос чухам нэг нь  кибер гэмт этгээдүүдийн анхаарлыг гоц татаж байна.

Энэ нь Opera Unite технологи юм. Хөгжүүлэгчид нь уг технологийг дараач үеийн вэб хөгжүүлэх таатай суурь болно хэмээн сурталчилж байгаа боловч аюулгүйн зарим мэргэжилтнүүд үүнийг бот-сүлжээ эзэмшигчдэд сайхан бэлэг болж мэднэ хэмээн таамаглаж байна. Opera Unite нь дурын хэрэглэгч компьютертээ Web сервер үүсгэх бололцоо бий болгож байгаа юм. Браузер Opera-гийн прокси серверт холбогдох замаар компьютерт хадгалагдсан өгөгдөл интернэтэд нээлттэй болж хувирна. Энэ нь интернэтэд вэб хуудсаа байрлуулах хүсэлтэй ердийн хэрэглэгчдийн ажлыг хөнгөвчилж өгч байгаа хэрэг бөгөөд Opera архитектурын ачаар файрволын тохиргоо хийх шаардлагагүй болж вэб серверийн траффикт интернэт провайдер хаалт тавьчих байх хэмээн санаа зовох явдалгүй болох юм.

 

Microsoft компаний утасгүй товчлуурт гарны (wireless keyboard) товчлуур дарах ажиллагааг замаас нь илрүүлэх чадвартай хардвэйр-софтвэйр универсаль хэрэглүүрийг Remote-Exploit.org бүлэг боловсруулж, борлуулахад бэлэн болголоо.

 

Уг хэрэглүүрийн схем болон эх кодыг нийтэлсний зэрэгцээ зохиогчид нь цаашид Logitech компаний товчлуурт гарны даралтыг замаас нь илрүүлэх ажиллагааг боловсруулж дуусгахаар амлаж байгаа юм. Keykeriki хэмээх нэртэй иж бүрдэл энэхүү хэрэглүүрийг бөөний үйлдвэрлэлд нэвтрүүлэхэд одоогоор хараахан бэлэн бус байна.

Арилж өгөхгүй байгаа компьютер вирусаас салж амрах эцсийн арга нь хатуу дискээ форматлах явдал байдаг. Харин вирус BIOS-д халдах тохиолдолд илрүүлж, цэвэрлэх ажиллагаа үлэмж төвөгтэй болно. Системийн BIOS-д халддаг вирус нь цоо шинэ зүйл биш хэдий ч ихэнхдээ тодорхой хардвэйр төрөлд дагнасан байдаг байв. Аргентиний Core Security Technologies компаний мэргэжилтэн Анибал Сакко (Anibal Sacco), Альфредо Ортега (Alfredo Ortega) нар мэдээллийн аюулгүй байдлын CanSecWest зөвлөлгөөний үеэр хамгийн нийтлэг түгээмэл системүүдийн BIOS-д рүүткит (rootkit) суулгах боломжтой шинэ төрлийн дайралт хийх ажиллагааг нийтэд танилцууллаа.

"Хил хязгааргүй сэтгүүлчид" олон улсын байгууллагаас 3 сарын 11-ний өдрийг  интернэтээр чөлөөтэй бодол санаагаа илэрхийлэх өдөр болгон тэмдэглэсэнтэй холбогдуулан гаргасан 2009 оны "Интернэтийн дайснууд" илтгэлд иргэдээ интернэтээс мэдээлэл авахад нь хязгаарлалт тавьдаг улс орнуудын жагсаалт гаргажээ.

Онлайн цензур хяналт бол вэбхуудсанд тайлбараа нэмж буй энгийн нэгнээс авахуулаад сэтгүүлчид хүртэлх бүх интернэт хэрэглэгчдэд хамаарах асуудал учраас иймэрхүү алив төрлийн халдлага нь бодол санаагаа чөлөөтэй илэрхийлэх эрх чөлөөний эсрэг гэмт хэрэг мөн хэмээн "Хил хязгааргүй сэтгүүлчид" үзэж байна.