Оверклокчийн "хүнд" хөдөлмөрийг хөнгөвчлөх төдийгүй сонирхолтой, зугаатай болгож чадах шинэ бүтээгдэхүүний албан ёсны мэдээлэл Аsus компаний сайтнаа гарлаа. Asus компаний Republic of Gamers цувралын эх хавтанд холбож ашиглах зориулалттай уг төхөөрөмж энэ оны 1 сард зохиогдсон CES (Consumer Electronics Show) 2009 арга хэмжээний үеэр G-Panel нэртэйгээр анх нийтэд танил болсон юм. 

Гурван инчийн шингэн талст дэлгэцтэй удирдлагын панелийн нүүрэн тал нь 30 хэм өөдөө сөхөгддөг OC Station нэртэй энэхүү хардвэйр төхөөрөмжийг дэсктоп компьютерийн 5.25 инчийн хоёр ширхэг хоногт үүрэнд суурилуулж ашиглана.