Одоогоос яг хагас жилийн өмнө AMD график дивишн болох ATI хамгийн анхны DirectX 11 платформын видео картууд болох дээд ангиллын Radeon HD 5970-аас эхлээд доод ангиллын $50 хүрэхгүй үнэтэй Radeon HD 5450 картуудыг зaх зээлд нэврүүлсэн билээ. Харин өрсөлдөгч NVIDIA-гийн хувьд анхныхаа DX11 бүтээгдэхүүнийг хэрэглэгчдийн гар дээр хүргэх нь тийм ч амар байсангүй. Компаний Fermi архитектур бүхий 40нм процессын бүтээгдэхүүнүүд үйлдвэрлэлийн шатанд доголдож бага зэрэг асуудалтай байсаар өдийг хүрч байх шиг байна.

Анхны Fermi 100 (GF100) чипийн үйлдвэрлэл хэдий өнгөрсөн 1 сард эхэлсэн ч бүтээгдэхүүний албан ёсны зах зээл дээрх нэршил 2-р сард бэлэн болж NVIDIA-гийн шинэ графикууд GeForce GTX 480 болон GeForce GTX 470 нэрийг хүртэх нь тодорхой болсон. Өнөөдрийн байдлаар эдгээр картуудын техникийн үзүүлэлтүүд албан ёсоор тодроод байна.

Энэ оны 10 сард албан ёсоор гарах Майкрософт компаний шинэ үйлдлийн систем төв процессорын олон цөмийг хэрэглээний нөхцөлд тохируулан ухаалаг ашиглаж чаддаг болсноос гадна график процессорын нөөц чадавхийг үр бүтээлтэй ашиглах тал дээр ч урагштай байгаа юм.

Түркийн Donanim Haber сайтад SLI технологи Windows 7 үйлдлийн системийн орчинд Windows XP-тэй харьцуулахад дундажаар 15% илүү бүтээлч ажиллах чадвартай тухай мэдээллийг NVIDIA компаний албан ёсны үзүүлэнгийн хамт нийтэлжээ.

NVIDIA компаний 3D Vision технологи ашиглан гурван хэмжээст стерео кино, тоглоом сонирхох гэвэл тусгай анаглиф стерео нүдний шилнээс гадна 120Гц-ээс доошгүй үзүүлэлттэй монитор юм уу 3D-Ready DLP телевиз хэрэг болно. Гэвч 120Гц-д ажилладаг компьютерын монитор зах зээл дээр гарын таван хуруунд хүрэхээргүй цөөн загвар байгаагаас гадна ийм бүрдэл хамгийн хямддаа 450 доллараас доошгүй үнэтэй тусахаар байгаа юм. 

Картон 3D нүдний шилтэй Жэн Сүн Хуан (Jen-Hsun Huang)

NVIDIA компаний ерөнхийлөгч, ерөнхий захирал