10-р сарын 22-нд албан ёсоор худалдаанд гарах Windows 7 үйлдлийн систем цахилгаан зарцуулалт, батарейн ажиллагаанд хэмнэлттэй шинэ, сайжруулсан multi-threading боловсруулалт дэмждэг тухай Intel компани Computex 2009 арга хэмжээний үеэр сонирхуулав.

Windows-ийн хуучин хувилбарууд нь thread-ийг цөм хооронд байнга шилжүүлж ажилладаг. Ийм горимд нэг цөм нь нөгөөгийнхөө боловсруулах өгөгдлийг "булаацалддагаас" кэш ашиглалт оновчгүй, үр ашиг муутай болж хувирдаг кэш трэшинг (cache thrashing) үүсдэгийн зэрэгцээ цахилгааны бууруулсан горимд шилжих аргагүй болдог.

Компьютер хэрэглэгчид LAN сүлжээгээр хоорондоо multiplayer компьютер тоглоом болон бусад төрөл хэлбэрээр өрсөлддөг LanParty арга хэмжээ 6 сарын 6-ны өдөр Улаанбаатар хотод анх удаа зохиогдож өнгөрлөө. Зөвхөн өөрийн компьютерээ авчирч оролцдог журамтай LanParty нь хүсэл сонирхол нэгтэнгүүд мэдлэг туршлагаа солилцож, цагийг үр бүтээлтэй, сонирхолтой өнгөрүүлэх боломж олгодог зугаатай арга хэмжээ юм.